डिभिजन वन कार्यालय

वनक्षेत्रको संक्षिप्त जानकारी

यो जिल्ला प्राकृतिक वन सम्पदाले धनी र जैविक विविधताले भरिपूर्ण रहेको छ । विगतमा यो जिल्लाको वनको अवस्था राम्रो भए तापनि घना जगंल भएको ठाउँठाउँमा मानिसहरुको बढी चापले वन विनास भएको छ । विशेष गरि उत्तरी भेगका वनमा मानिसको पहुँच कम भएकोले त्यहाको वनको स्थिति राम्रो छ भने सदरमुकामको वरिपरिको वनजगंल निकै कम रहेको छ । २०४० सालभन्दा अगाडी यस जिल्लामा जिल्ला वन कार्यालय नरहेको र महाकाली वन डिभिजन कार्यालयले बैतडीवाट २ रेन्जर मार्फत रेखदेख गर्ने गर्दथ्यो । आ.व. २०४२/०४३ मा यस जिल्लामा जग्गा नापीको कार्य थालनी भयो जसले गर्दा वन बढी अतिक्रमण हुन पुगेको छ । यस जिल्लामा काठ, दाउरा, घाँस वाहेक वनमा चरिचरण र आगलागीले गर्दा वनलाई ठुलो क्षति भएको छ । सल्लाको जगंलबाट दियालो निकाल्ने चलन तथा महाकाली नदीमा पानी कम भएको बेला यदाकदा त्यहाँका काठ भारत तर्फ पनि चोरि निकासी हुने गर्दछ जसले गर्दा वनजगंललाई हानी नोक्सानी पु¥याएको देखिन्छ । २०४० सालमा जिल्ला वन कार्यालयको स्थापना पश्चात् वन जगंलको संरक्षणको कार्यमा क्रमिकरुपमा सुधार हुँदै गई रहेको थियो भने वन ऐन २०४९ तथा वन नियमावलि २०५१ लागु भएपछि स्थानिय स्तरमा उपभोक्ता समुह गठन गरि वनलाई स्थानिय जनसमुदायलाई क्रमिक रुपमा हस्तानतरण गर्ने नीतिले वनजंगलको हैसियत क्रमकिरुपमा बृद्धि भएको छ । यस जिल्लामा विभिन्न प्रकारको हावापानी पाईने भएकोले वनजगंलमा विविधता रहेको पाईएको छ । जनसंख्याको बृद्धिले गर्दा घनाबस्ती भएको ठाउँको विनास हुँदै गईरहेको र सदरमुकाम वरपरका वन पनि क्रमिकरुपले विनास हँुदै गईरहेको छ ।

जिल्लाको वनको विवरण